Uska Koi Imaan Nahi, Mere Zakhmo. | Shayari Ki Dayari

Uska Koi Imaan Nahi, Mere Zakhmo.

Uska Koi Imaan Nahi, Mere Zakhmo.N Ka Koi Darmaan Nahi
Mohabbat To Thi Usse, Magar Shayad Isme Wo Parwaan Nahi

Har Lamha Jiski Yaad Me Guzra, Banke Shama Qatra-Qatra Pighla
Baya.N Karu.N To Kaise Uski Bewafayi, Uske Liye Mere Paas Zubaan Nahi

Agar Wo Bhi Chahti Thi Mujhko, Agar Usko Bhi Mujhse Mohabbat Thi
To Kyu.N Uske Naam Ke Sath, Koi Leta Mera Naam Nahi?

Dil Ko Mere Tukdo.N Me Badal Diya, Armaano Ko Patjhad Bana Diya
Par Jaan Le Tu Bhi Ek Baat, Mujhse Bewafayi Me Teri Koi Shaan Nahi

Dil Pe Tooti Tasveer Ko Saja Diya, Rango Ki Kami Thi Laga Diya
Par Bhool Gaya Wo Tasveer Teri Thi, Usne Bhi Kaha Ye Koi Ehsaan Nahi

Parinde Bhi Yun Bewafa Nahi Hote, Jis Shaakh Pe Baithen Use Nahi Todte
Toone Jitne Zakhm Diye Mujhko, Unhe Dekhkar Dil Kahta Hai Tu Insaan Nahi

Kaise Bhula Du.N Har Lamha, Kaise Bujha Du.N Wo Sulagta Dhuaa.N
Kaise Karlu.N Yaado.N Ko Dafan, Ye Dil Hai Mera Koi Qabristaan Nahi

Bahar Banke Mili Thi Mujhse, Patjhad Bana Kar Chali Gayi
Savan Ke Tha Intezaar Me, Par Wo Bhi Bola Ab Teri Koi Pahichaan Nahi

Meri Chahat Thi Bas Tu, Mere Sapno Me Thi Bas Tu
Sare Sapne Toot Gaye, Dil Kehta Hai Ab Koi Armaan Nahi

Subah Se Shaam Guzaar Deta Hun, Raato.N Ko Ashqo.N Se Sanwaar Deta Hun
Log Mujhe Laash Kahte Hai To Kya Galat, Jab Mere Paas Meri Jaan Nahi

Zakhmo Pe Marham Kiska Lagau.N, Ek Se Bewafayi Mili Ab Kisse Paau.N
Yaaro Mohabbat Karne Ki Baat Na Karo, Is Khel Se Main Anjaan Nahi

SAHIL Ko Tu Azad Kar De, Khud Se Door Zindagi Abad Kar De
Jaanta Hun Meri Ruh Hai Tu, Aur Ruh Bin Jeena Koi Aasan Nahi